কাশ্মীৰৰ পাহেলগামত হোৱা আক্ৰমণৰ তীব্ৰ গৰিহণা অসম বধিৰ
ৰঙিলী বাৰ্ত্তাসেৱা- অসম বধিৰ সন্থাই কাশ্মীৰৰ পাহেলগামত ভ্ৰমণকাৰী ভাৰতীয় নাগৰিকৰ ওপৰত হোৱা নৃশংস আৰু কাপুৰুষতাপূৰ্ণ আক্ৰমণটোৰ তীব্ৰ নিন্দা প্ৰকাশ কৰে, য’ত নিৰীহ লোকৰ প্ৰাণহানিৰ ঘটনা সংঘটিত হৈছে। সাধাৰণ সমাদক তপন কুমাৰ শৰ্মাই কয় যে আমি নিহত সকলৰ পৰিয়ালৰ প্ৰতি গভীৰ সমবেদনা জ্ঞাপন কৰোঁ আৰু আহতসকলৰ সোনকালে আৰোগ্য লাভৰ বাবে প্ৰাৰ্থনা কৰোঁ।নিৰীহ ভ্ৰমণকাৰীক লক্ষ্য কৰি কৰা এইধৰণৰ কুকর্ম অমানৱিক আৰু গভীৰভাৱে চিন্তাজনক। এই সকলোবোৰ শান্তি, সম্প্ৰীতি আৰু আমাৰ ৰাষ্ট্ৰক একত্ৰিত কৰি ৰখা মূল মূল্যবোধসমূহৰ ওপৰত এটা সৰাসৰি আক্ৰমণ।অসম বধিৰ সন্থাই ভাৰত চৰকাৰক আহ্বান জনায় যাতে ৰাষ্ট্ৰৰ নিৰাপত্তাৰ বাবে দৃঢ় আৰু ইতিবাচক ব্যৱস্থা গ্ৰহণ কৰা হয় আৰু ক্ষতিগ্ৰস্ত অঞ্চলত পৰ্যটনৰ সুৰক্ষা আৰু ভৱিষ্যৎ নিশ্চিত কৰাৰ বাবে স্থায়ী সহায় প্রদান কৰা হয়। ভ্ৰমণকাৰীৰ বিশ্বাস আৰু সুৰক্ষা নিশ্চিত কৰাটো আমাৰ ৰাষ্ট্ৰৰ একতা আৰু বিশ্বাস ৰক্ষা কৰাৰ ক্ষেত্ৰত অতি প্ৰয়োজনীয়।অসম বধিৰ সন্থাই কাশ্মীৰবাসী আৰু ভাৰতৰ সকলো শান্তিপ্ৰিয় নাগৰিকৰ সৈতে একতাৰ বার্তা প্ৰেৰণ কৰে। আমি প্ৰশাসনক অনুৰোধ জনাওঁ যে দোষীৰ বিৰুদ্ধে কঠোৰ ব্যৱস্থা গ্ৰহণ কৰা হওঁক আৰু দেশজুৰি সকলো নাগৰিক, বিশেষকৈ অক্ষম লোকসকলৰ সুৰক্ষা নিশ্চিত কৰাৰ ব্যৱস্থা কৰা হওঁক৷