কঢ়াৰডুবি গাঁৱত মিচিং স্বায়ত্ত্বশাসিত পৰিষদৰ পূঁজিৰে মুৰং ঘৰৰ আধাৰশিলা স্থাপন
বিকাশ শইকীয়া, মাজুলী,ৰঙিলী বাৰ্ত্তাসেৱা- মাজুলীৰ কঢ়াৰডুবি গাঁৱত মিচিং স্বায়ত্ত্বশাসিত পৰিষদৰ ২০২৪-২৫ বিত্তীয় বৰ্ষৰ দহ লাখ পূঁজিৰে নিৰ্মাণ হ’বলগীয়া মুৰং ঘৰৰ আধাৰশিলা অলপতে স্থাপন কৰে ৩১ নং ফুলনি-জকাইবোৱা সমষ্টিৰ সাধাৰণ সদস্য ত্ৰৈলোক্য পামেগামে ৷ এই উপলক্ষে আয়োজন কৰা আৰু এম এম কেৰ জকাইবোৱা আঞ্চলিকৰ সভাপতি হিৰকজ্যোতি পগাগে আঁত ধৰা অনুষ্ঠানত আনুষ্ঠানিক ভাৱে খুঁটাত মচলা ঢালি মুৰং ঘৰৰ কামৰ শুভাৰম্ভ কৰে ৷ আধাৰশিলাৰ অনুষ্ঠানত এম এম কেৰ জিলা সভাপতি অৰুণ গাম, সদস্য মহানন্দ কমান, সদস্য চন্দ্ৰধৰ পায়েং, টি এম পি কেৰ জিলা সদস্য মানৱজ্যোতি কমানৰ লগতে জকাইবোৱা মিচিং জাতীয় সংগঠনৰ টিএমপিকে, টিএমএমকে আৰু এমএমকে আঞ্চলিকৰ সভাপতি, সম্পাদকসকলৰ লগতে স্থানীয় ৰাইজ উপস্থিত থাকে ৷ মুৰং ঘৰৰ আধাৰশিলা স্থাপন কৰি সাধাৰণ সদস্য পামেগামে গৃহটি সুন্দৰ ভাৱে নিৰ্মাণ হোৱাত গুৰুত্ব আৰোপ কৰি সকলো দিশতে ৰাইজৰ দিহা-পৰামৰ্শ কামনা কৰে ৷