ওড়িশাৰ ভদ্ৰকৰ সমীপত ভয়ংকৰ দুৰ্ঘটনা
ৰঙিলী বাৰ্ত্তাসেৱা- ওড়িশাৰ ভদ্ৰকৰ সমীপত ভয়ংকৰ দুৰ্ঘটনা। দ্ৰুতগতিত অহা এখন মালবাহী ৰে’ল লাইনচ্যুত হৈ প্লেটফৰ্মৰ অভাৰব্ৰীজত উঠিল। লণ্ডভণ্ড হৈ পৰিল সমগ্ৰ ষ্টেচন।ওড়িশাৰ কোড়াই ষ্টেচনত সংঘটিত হয় এই দুৰ্ঘটনা। এই দুৰ্ঘটনাত তিনিজনৰ মৃত্যু হোৱা বুলি জানিব পৰা গৈছে। হতাহতৰ সংখ্যা বৃদ্ধি পোৱাৰ আশংকা কৰা হৈছে।ইষ্ট কোষ্ট ৰে’লৰ অন্তৰ্গত ভদ্ৰক–কাপিলাছ ছেকচনৰ কোড়াই ষ্টেচনত পুৱা সংঘটিত হয় এই দুৰ্ঘটনা। যাৰ ফলত আবদ্ধ হৈ পৰে ৰে’লপথ।দুৰ্ঘটনাৰ ফলত লণ্ডভণ্ড হৈ পৰে কোড়াই ষ্টেচন। ৰে’ল লাইনৰ ওপৰত এটাৰ পিছত আনটো ডবা উঠি যায়। লাইনচ্যুত হৈ কেইবাটাও ডবা প্লেটফৰ্মত উঠি যায়।ভয়াৱহ এই দুৰ্ঘটনাৰ ফলত পশ্চিম বংগৰ সৈতে দক্ষিণ ভাৰতৰ ৰে’ল যোগাযোগ বিচ্ছিন্ন হৈ পৰিছে। বিপৰ্যস্ত দক্ষিণ পূব শাখাত ৰে’লৰ চলাচল।ইতিমধ্যে ইষ্ট কোষ্ট আৰু ধৌলি এক্সপ্ৰেছ বাতিলৰ কথা জনোৱা হৈছে ৰে’লৱেৰ ফালৰ পৰা। বাতিল কৰা হ’ব পাৰে কৰমণ্ডল এক্সপ্ৰেছো।