এমোন আশা দি দোমোন সপোন দেখাৰ কথাৰে
মৃগাংক বৰুৱা
গোলাঘাট
দুৱাৰখন খুলি ৰওঁতেই
এছাটি নিৰ্মল বতাহেৰে
নীলা এখিনি সোমাই আহিল
যেন আকাশ এখনহে নামিল
সেয়াই তুমি…
সেই আকাশৰে বেলিটি হৈ
কণমানিৰ সৈতে তুমি কুশলে থাকা
তোমাৰ জন্ম দিনটোত এয়াই মোৰ আশা
পুৱাই প্ৰাৰ্থনা এটি গাইছোঁ আজি
তুমি কুশলে থকাৰ কথা ভাবি
গোঁসাই ঘৰৰ বন্তিগছিও আছে জ্বলি
এমোন আশা দিছোঁ বাকি
তাকেলৈ দোমোন সপোন দেখিবা বুলি…