এবিভিপি ৰাষ্ট্ৰীয় অধিবেশনৰ উদ্বোধনী অনুষ্ঠানত ইছ’ৰ পূৰ্ব অধ্যক্ষ এছ. সোমনাথ
বাংলাদেশী অনুপ্ৰৱেশকাৰী সমস্যা ৰাষ্ট্ৰীয় সুৰক্ষা আৰু গনতান্ত্ৰিক ব্যৱস্থাৰ প্ৰতি ভাবুকি শীৰ্ষক প্ৰস্তাৱৰ উত্থাপন
ৰঙিলী বাৰ্ত্তাসেৱা- অখিল ভাৰতীয় বিদ্যাৰ্থী পৰিষদৰ ৭১ সংখ্যক ৰাষ্ট্ৰীয় অধিৱেশন শুকুৰবাৰে ভাৰতীয় মহাকাশ গৱেষণা সংস্থাৰ প্ৰাক্তন অধ্যক্ষ ড০ এছ সোমনাথে উদ্বোধন কৰে। ডেৰাডুন পেৰেড গ্ৰাউণ্ডত নিৰ্মাণৰ কৰা ‘ভগৱান বীৰছা মুণ্ডা নগৰ’ৰ জেনেৰেল বিপিন ৰাৱাট প্ৰেক্ষাগৃহত অনুষ্ঠিত এই উদ্বোধনী অনুষ্ঠানত ড০ এছ সোমনাথৰ সৈতে উপস্থিত থাকে এবিভিপিৰ নৱনিৰ্বাচিত ৰাষ্ট্ৰীয় সভাপতি অধ্যাপক (ড°) ৰঘুৰাজ কিশোৰ তিৱাৰী, ৰাষ্ট্ৰীয় সাধাৰণ সম্পাদক ড° বীৰেন্দ্ৰ সিং সোলাংকি, এবিভিপিৰ ৰাষ্ট্ৰীয় সম্পাদক শ্ৰীমতী ক্ষমা শৰ্মা, এবিভিপি ৰাষ্ট্ৰীয় অধিৱেশনৰ অভ্যৰ্থনা সমিতিৰ অধ্যক্ষ তথা গ্রাফিক ইৰা বিশ্ববিদ্যালয়ৰ প্ৰতিষ্ঠাপক সভাপতি ড০ কমল ঘনছালা, অভ্যৰ্থনা সমিতিৰ সাধাৰণ সম্পাদক ৰমেশ গাডিয়া, উত্তৰাখণ্ড এবিভিপিৰ ৰাজ্যিক সভাপতি ড০ জে পি ভাট আৰু উত্তৰাখণ্ড এবিভিপিৰ ৰাজ্যিক মন্ত্ৰী ঋষভ ৰাৱট। বিগত বছৰৰ প্ৰতিবেদন দাখিল কৰি এবিভিপিৰ ৰাষ্ট্ৰীয় সাধাৰণ সম্পাদক ড০ বীৰেন্দ্ৰ সিং সোলাংকিয়ে কয় যে এই বছৰ এবিভিপিয়ে পূৰ্বৰ সকলো সদস্যপদৰ অভিলেখ অতিক্ৰম কৰি ৭,৬৯৮,৪৪৮ জন ছাত্ৰ-ছাত্ৰীক সদস্যতা কৰিবলৈ সক্ষম হয় যি এবিভিপিৰ ৭৭ বছৰীয়া সাংগঠনিক ইতিহাসত এই সংখ্যা সৰ্বাধিক। উদ্বোধনী অনুষ্ঠানৰ পিছত “যুৱ ভাৰতৰ আহ্বান” বিষয়ক বক্তৃতা আগবঢ়ায় এবিভিপিৰ ৰাষ্ট্ৰীয় সাংগঠনিক সম্পাদক আশীষ চৌহাে। ৭১ সংখ্যক এবিভিপি ৰাষ্ট্ৰীয় অধিৱেশনৰ উদ্বোধনী অধিৱেশনৰ মুখ্য অতিথি হিচাপে প্ৰখ্যাত মহাকাশ বিজ্ঞানী তথা ইছ’ৰোৰ প্ৰাক্তন অধ্যক্ষ ড° এছ সোমনাথে এই মহান অধিৱেশনৰ বাবে উপস্থিত থকি সকলো প্ৰতিনিধিলৈ শুভেচ্ছা জ্ঞাপন কৰি কয় যে, “যিকোনো জাতিৰ উত্থান তেতিয়াহে সম্ভৱ যেতিয়া ইয়াৰ নৱ প্ৰজন্ম জ্ঞান, প্ৰযুক্তি, আৰু নিৰ্ভীক শক্তিৰে সজ্জিত হয়। অধিৱেশনত সকলো প্ৰতিনিধিক আদৰণি জনাই অখিল ভাৰতীয় বিদ্যাৰ্থী পৰিষদৰ ৰাষ্ট্ৰীয় সভাপতি অধ্যাপক ড° ৰঘুৰাজ কিশোৰ তিৱাৰীয়ে কয়, “এবিভিপি হৈছে বিশ্বৰ সৰ্ববৃহৎ ছাত্ৰ সংগঠন, যি গৌৰৱ আমি সকলোৱে লাভ কৰিছোঁ । ভাৰতবৰ্ষৰ যুৱক-যুৱতীসকলক কৰ্তব্যৰ পথত আগুৱাই নিয়াৰ ক্ষেত্ৰত শিক্ষক সমাজে গুৰুত্বপূৰ্ণ ভূমিকা পালন কৰিব লাগে। এবিভিপিৰ পুনৰ নিৰ্বাচিত সাধাৰণ সম্পাদক বীৰেন্দ্ৰ সোলংকিয়ে কয়, “এবিভিপিৰ কাৰ্যকৰ্তা সকলে ৰাষ্ট্ৰীয় ঐক্যৰ বাবে নিৰন্তৰ প্ৰচেষ্টা চলাই আছে। আজি ৭৭ বছৰ অতিক্ৰম কৰা এবিভিপি বহুমুখী বট বৃক্ষলৈ গঢ় লৈ উঠিছে। ১৯৪৯ চনত পঞ্জীয়ন হোৱাৰ বহু বছৰৰ আগতেই এই যাত্ৰা আৰম্ভ হৈছিল, স্বাধীনতাৰ যুঁজত নিজকে বলিদান দিয়া সেই অমৰ শ্বহীদসকলৰ দৃষ্টিভংগীৰে। এবিভিপি প্ৰতিষ্ঠা হ’ল।” সেই দৃষ্টিভংগীৰে, আৰু এবিভিপিৰ কিৰ্যকৰ্তা ইয়াক আগুৱাই নিয়াৰ বাবে কাম কৰি আহিছে, এবিভিপিৰ কাৰ্যকৰ্তা বিভিন্ন অভিযান আৰু কাৰ্যসূচীৰ জৰিয়তে সমাজখনক ইতিবাচক দিশ দিবলৈ কাম কৰি আহিছে ।