এন আৰ আই তথা প্ৰৱাসী অসমীয়াৰ বাবে অসমত মেডিকেল শিক্ষাৰ ক্ষেত্ৰত আসন সংৰক্ষণৰ সন্দৰ্ভত অসম তৃণমূল কংগ্ৰেছৰ প্ৰতিক্ৰিয়া
ৰঙিলী বাৰ্ত্তাসেৱা- এন আৰ আই তথা প্ৰৱাসী অসমীয়াৰ বাবে অসমত মেডিকেল শিক্ষাৰ ক্ষেত্ৰত আসন সংৰক্ষণৰ সন্দৰ্ভত অসম তৃণমূল কংগ্ৰেছৰ মিডিয়া বিভাগৰ অধ্যক্ষ দিলীপ কুমাৰ শৰ্মাই আজি প্ৰতিক্ৰিয়া প্ৰকাশ কৰে৷তেওঁ কয়-এই সংৰক্ষণে অসমৰ অসমীয়া মেধাৱী ছাত্ৰ-ছাত্ৰীৰ ক্ষতি কৰিব ৷ লগতে এতিয়া অসমৰ ১৫০০ খন মেডিকেল আসনৰ মাত্ৰ ৩৭৫ খনহে মুকলি তথা অসংৰক্ষিত হৈ থাকিল ৷ ফলত সাধাৰণ শ্ৰেণীৰ অসমীয়া মেধাৱী ছাত্ৰ-ছাত্ৰী সকল মেডিকেল শিক্ষাৰ পৰা বঞ্চিত হ’ব ৷তদুপৰি প্ৰৱাসী অসমীয়াই বিদেশত এক সুন্দৰ স্বাচ্ছন্দ্য জীৱন কটাইছে ৷তেওঁলোকে নিজৰ ল’ৰা-ছোৱালীকো য’তে-ত’তে পঢ়ুৱাব পাৰিব , যিহেতু তেওঁলোক আৰ্থিকভাৱে সৱল । কিন্তু আমাৰ মেধাৱী ছাত্ৰ-ছাত্ৰীয়ে অসমৰ বাহিৰত কেনেকৈ পঢ়িবলৈ যাব ৷ অসম চৰকাৰে এইবোৰ কথাও ভাৱিব লাগে।