উৎকট গৰমৰ বাবে বিদ্যালয়ৰ সময়সূচীও সলনি কৰিছে কামৰূপ মহানগৰ জিলা প্ৰশাসনে
ৰঙিলী বাৰ্ত্তাসেৱা- উৎকট গৰমে দহিছে ৰাজ্যবাসীক । উৎকট গৰমৰ বাবে বিদ্যালয়ৰ সময়সূচীও সলনি কৰিছে কামৰূপ মহানগৰ জিলা প্ৰশাসনে। এক বিশেষ নিৰ্দেশনাৰ জড়িয়তে ৫ জুন অৰ্থাৎ সোমবাৰৰ পৰা পুৱা ৭:৩০ বজাৰ পৰা বিদ্যালয়সমূহত পাঠদান হ’ব বুলি ঘোষণা কৰিছে জিলা প্ৰশাসনে । উল্লেখযোগ্য যে প্ৰাথমিক বিদ্যালয়সমূহ পুৱা ৭:৩০ বজাৰ পৰা পাঠদান আৰম্ভ হোৱাৰ লগতে দুপৰীয়া ১২ বজাত বিদ্যালয় ছুটী হ’ব ।অন্যহাতে মাধ্যমিক বিদ্যালয়সমূহত পুৱা ৭:৩০ বজাৰ পৰা পাঠদান আৰম্ভ হৈ দুপৰীয়া ১২:৩০ বজাত ছুটী হ’ব । ইয়াৰোপৰি উচ্চ আৰু উচ্চতৰ মাধ্যমিক বিদ্যালয়সমূহত ৭:৩০ বজাৰ পৰা দুপৰীয়া ১ বজালৈ চলিব পাঠদান।তাপমাত্ৰা হ্ৰাস নোহোৱালৈকে এই নিৰ্দেশ বাহাল থকাৰ কথা ঘোষণা কৰিছে জিলা প্ৰশাসনে।