ইছলামিক সংগঠন পি এফ আইক নিষিদ্ধ ঘোষণা
ৰঙিলী বাৰ্ত্তাসৱা- ইছলামিক সংগঠন পি এফ আইক নিষিদ্ধ ঘোষণা কেন্দ্ৰৰ।কেন্দ্ৰীয় চৰকাৰে বেআইনী কাৰ্যকলাপ (প্ৰতিৰোধ) আইন, ১৯৬৭ ৰ অধীনত পাঁচ বছৰৰ বাবে তাৎক্ষণিকভাৱে প্ৰভাৱিত হোৱাকৈ পপুলাৰ ফ্ৰণ্ট অফ ইণ্ডিয়া চমুকৈ পিএফআই আৰু ইয়াৰ সহযোগী আৰু সহযোগী সংগঠনক বে-আইনী হিচাপে নিষিদ্ধ কৰিছে।পি এফ আইৰ বিৰুদ্ধে ভাৰত চৰকাৰে লোৱা সিদ্ধান্তৰ পিছতে প্ৰধানমন্ত্ৰী নৰেন্দ্ৰ মোদীৰ এনে সিদ্ধান্তক অভিনন্দন জনালে মুখ্যমন্ত্ৰী হিমন্ত বিশ্ব শৰ্মাই।এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই কয় যে,‘এই সিদ্ধান্ত এক সাহসী সিদ্ধান্ত।অসম চৰকাৰে ল’ব লগা ফলো আপ অধিসূচনা ইতিমধ্যে জাৰি কৰিছে।জিলাসমূহে অধিসূচনা জাৰি কৰিব।ৰাজ্যৰ পি এফ আই আৰু চি এফ আইৰ কাৰ্যালয়সমূহ ছীল কৰা কাম আৰম্ভ হৈছে।একেদৰে নিষিদ্ধ ঘোষিত সংগঠনটোৰ সক্ৰিয় সকলো সদস্যক গ্ৰেপ্তাৰ কৰা হ’ব।‘কা’ আন্দোলন আৰু গৰুখুটি কাণ্ডত পি এফ আই আৰু চি এফ আইৰ কলংকিত অধ্যায় দেখিবলৈ পোৱা গৈছিল।’