আঘোণ
অনিতা গগৈ
আঘোণৰ সোণোৱালী পথাৰখন
ভৰুণ হৈ পৰিছে পকা ধানে৷
হালিজালি থকা পকা ধানে
খেতিয়ক মনবৰ ককাইটিৰ
মনলৈ আশাৰ ৰেঙনি আনিছে৷
ৰঙা মাটিৰে লিপি থোৱা ভড়ালটোৱে
সোণগুটিলৈ অপেক্ষা কৰিছে ৷
মনবৰৰ মনটো উলাহতে নাচিছে ৷
অভাৱ অনাটনে জুৰুলা কৰা ঘৰখনত
সকলোৰে মনবোৰ উজ্জ্বলি উঠিছে
সকলোৰে মুখত হাঁহি বিৰিঙিছে ৷
কিমান যে সপোন দেখিছে মনবৰে
এইবাৰ পোনাকণক ধান বিকি
চুৱেটাৰ এটা দিব লাগিব
মানুহজনীৰ ঠাণ্ডাত কঁপি থকা
মনবৰ মনটোৱে নহহে
তাইকো এখন গৰম কাপোৰ দিব
হক তেওঁ অলপ হ’লেওঁ অভাৱ গুচিব ৷