আগন্তুক লোকসভা নিৰ্বাচনৰ অসম তৃণমূল কংগ্ৰেছ দলৰ প্ৰাৰ্থীৰ তালিকা ঘোষণা
ৰঙিলী বাৰ্ত্তাসেৱা- আগন্তুক লোকসভা নিৰ্বাচনৰ প্ৰাৰ্থীৰ তালিকা প্ৰকাশ কৰিছে অসম তৃণমূল কংগ্ৰেছ দলে। সৰ্বভাৰতীয় তৃণমূল কংগ্ৰেছৰ অধ্যক্ষা মমতা বেনাৰ্জীৰ অনুমোদন অনুসৰি অসমৰ চাৰিটা লোকসভা সমষ্টিত নিজৰ প্ৰাৰ্থী প্ৰক্ষেপ কৰিছে অসম তৃণমূল কংগ্ৰেছে। কোকৰাঝাৰ লোকসভা সমষ্টিত গৌৰী শংকৰ শৰণীয়া, বৰপেটা লোকসভা সমষ্টিত আব্দুল কালাম আজাদ, লক্ষীমপুৰ লোকসভা সমষ্টিত ঘনকান্ত চুতীয়া আৰু শিলচৰ সমষ্টিত ৰাধেশ্যাম বিশ্বাসক প্ৰাৰ্থীত্ব প্ৰদান কৰিছে তৃণমূল কংগ্ৰেছ দলে।উল্লেখ্য যে, এইবাৰ অসমত পোনপ্ৰথমবাৰৰ বাবে লোকসভা নিৰ্বাচনত নিজৰ প্ৰতিদ্বন্দিতা আগবঢ়াব অসম তৃণমূল কংগ্ৰেছ দলে । ইতিমধ্যে উক্ত লোকসভা সমষ্টি সমূহত অতি ক্ষীপ্ৰতাৰে প্ৰচাৰ আৰম্ভ কৰিছে দলটোৱে ।