অৰুণ কুমাৰ বৈশ্যৰ উপন্যাস “হিয়াৰ প্ৰতিশ্ৰুতি ” উন্মোচন
ৰঙিলী বাৰ্ত্তাসেৱা- আমবাৰী নৱযুগ প্ৰাথমিক বিদ্যালয় প্ৰাংগনত ৬ জুলাইত ফটাশিল আমবাৰী জ্যেষ্ঠ নাগৰিক সমাজৰ সৌজন্যত অনুষ্ঠিত সভাত সমাজৰ সদস্য অৰুণ কুমাৰ বৈশ্যৰ উপন্যাস “হিয়াৰ প্ৰতিশ্ৰুতি ” উন্মোচন কৰে সমাজৰ সভাপতি,প্ৰাক্তন অধ্যাপক দিবাকৰ ভাগৱতীয়ে৷সভাত বিশিষ্ট ব্যক্তিসকলে অশীতিপৰ বৈশ্যৰ সাহিত্যৰ প্ৰতি অনুৰাগৰ বিষয়ে প্ৰশংসা কৰে।শৈলেন্দ্ৰ চন্দ্ৰ কলিতাই আঁত ধৰা সভাখনত আৰম্ভণিতে নৰেন্দ্ৰ ৰায় চৌধুৰীয়ে আৰম্ভ গীত পৰিৱেশন কৰে ।সভাত সমাজকৰ্মী লক্ষ্মীকান্ত ভূঞা ,মৌৰাম দাস, বাণীকান্ত শৰ্মা,অৰুণ চন্দ্ৰ ভাগৱতী, নীলিমা শৰ্মা মহন্ত,পাৰিষদ দীপাংকৰ বৈশ্য প্ৰমুখ্যে বিভিন্ন জনে অৰুণ কুমাৰ বৈশ্যৰ প্ৰশংসা কৰি ভাষণ দিয়ে ।সভাত অৰুণ কুমাৰ বৈশ্যই শলাগৰ শৰাই আগবঢ়ায়৷