অসম জাতীয় পৰিষদৰ লোকসভাৰ বিৰোধী উপদলপতি গৌৰৱ গগৈক সাক্ষাৎ
ৰঙিলী বাৰ্ত্তাসেৱা- অসম জাতীয় পৰিষদৰ এটা প্ৰতিনিধি দলে নতুন দিল্লীৰ কনষ্টিটিউচন ক্লাবত লোকসভাৰ বিৰোধী উপদলপতি গৌৰৱ গগৈক সাক্ষাৎ কৰি অসমৰ বিদেশী সমস্যা সমাধান নোহোৱাৰ বিষয়বোৰ সংসদত উত্থাপন কৰাৰ বাবে অনুৰোধ কৰে। প্ৰতিনিধি দলটোত আছে লুৰীণজ্যোতি গগৈ, জগদীশ ভূঞা, কমল নয়ন চৌধুৰী, জিয়াউৰ ৰহমান, চিত্ত বসুমতাৰী আৰু ৰাজু ফুকন। প্ৰতিনিধি দলটোৱে গৌৰৱ গগৈক কয় যে ১৯৮৫ চনত স্বাক্ষৰিত অসম চুক্তিখন ৰূপায়ন কৰিলেহে অসমীয়া জাতি সুৰক্ষিত হ’ব। চুক্তিৰ ৫ আৰু ৬নং দফা ৰূপায়ন, বিপ্লৱ কুমাৰ শৰ্মা কমিটীৰ পৰামৰ্শ ৰূপায়ন, শুদ্ধ, ত্ৰুটিমুক্ত আৰু বিদেশীমুক্ত এন আৰ চি প্ৰস্তুতিৰ অৱশিষ্ট কামখিনি সম্পূৰ্ণ কৰাৰ বিষয়ত বিজেপি চৰকাৰে কৰা হেমাহিৰ বিষয়টো সংসদত উত্থাপন কৰাৰ বাবে আহ্বান জনায়।