অসমৰ বিভিন্ন মহাবিদ্যালয় বিশ্ববিদ্যালয়ত এবিভিপিৰ বিশ্ব পৰিৱেশ দিৱস উদযাপন
ৰঙিলী বাৰ্ত্তাসেৱা- পৰিৱেশ সুৰক্ষা আৰু সজাগতাৰ বাবে সমগ্ৰ বিশ্বতে ৫ জুন তাৰিখে অনুষ্ঠিত কৰি অহা বিশ্ব পৰিৱেশ দিৱস আজি অসম বিভিন্ন মহাবিদ্যালয় আৰু বিশ্ববিদ্যালয়ত বৃক্ষৰোপণ কাৰ্যসূচীৰে অনুষ্ঠিত কৰা হয়। বিদ্যাৰ্থী পৰিষদৰ কাৰ্যকৰ্তা সকলে নিজৰ নিজৰ শিক্ষানুষ্ঠানত ৰাতিপুৱাৰ ভাগত বিভিন্ন ছাত্ৰ ছাত্ৰী আৰু শিক্ষক কৰ্মচাৰী সকলৰ সহযোগত বৃক্ষৰোপণ কাৰ্যসূচী ৰূপায়ন কৰা হয়। এই পৰিৱেশ দিৱসৰ দিনা গুৱাহাটী মহানগৰীৰ কটন বিশ্ববিদ্যালয়ৰ, মাধৱদেৱ বিশ্ববিদ্যালয়, ভট্টদেৱ বিশ্ববিদ্যালয়, ৰবীন্দ্ৰনাথ ঠাকুৰ বিশ্ববিদ্যালয়, গুৱাহাটী কমাৰ্চ কলেজ, কে চি দাস কমাৰ্চ কলেজ, পাণ্ডু মহাবিদ্যালয়, গোৱালপাৰাৰ লক্ষীপুৰ উচ্চতৰ মাধ্যমিক বিদ্যালয়কে আদি কৰি বিভিন্ন শিক্ষানুষ্ঠানত বৃক্ষৰোপণ কৰা হয়।