সমলয়ৰ গুঞ্জন
হৃদয়ৰ কোণত সমলয়ৰ গুঞ্জন
অনৌচিত্ৰৰ গুণগুণনি
অৱকাশ মাথোঁ এটি মধুৰ সুৰৰ
শান্তিৰ,সৌম্যৰ আৱেগৰ….
শব্দৰ কোলাহল
হৃদয় কংক্ৰিটৰ
অহংকাৰ ,আত্মভিমান,স্বাৰ্থ
আজি দিনৰ অলংকাৰ।
নপতাফুকনৰ দপদপনি
অহংকাৰীৰ বৰফুটনি
আমি মাথোঁঁ ভাও ধৰা কুলি।
সজৰ বিপৰীতে অসজৰ স্থান
অসত্যই সত্যক গৰকি মোহাৰি
আজি পায় উচ্চ স্থান ৷
হৃদয় অবিশ্ৰাম
নাভাগৰা যাত্ৰা
ধাৱমান ৷
নৱ প্ৰভাত উদয় হওঁক
দেশৰ অনৌচিত্ৰৰ ম্লান পৰক
সোণৰ অসমখনি সেউজীয়া হওঁক
সোণৰ অসমখনি সোণালী হওঁক ।৷
প্ৰাণ প্ৰতিমা বড়া
গুৱাহাটী