লেফটেনেণ্ট জেনেৰেল সুব্ৰমনিয়ামক দক্ষিণ চুদানত ৰাষ্ট্ৰসংঘৰ মিছনৰ ফৰ্চ কমাণ্ডাৰ হিচাপে নিযুক্তি
ৰঙিলী বাৰ্ত্তাসেৱা- ভাৰতীয় সেনাৰ লেফটেনেণ্ট জেনেৰেল মোহন সুব্ৰমনিয়ামক ৰাষ্ট্ৰসংঘৰ মহাসচিব এণ্টনিঅ’ গুটেৰেছে দক্ষিণ চুদান ৰাষ্ট্ৰসংঘৰ মিছনৰ (ইউএনএমআইএছ) নতুন ফৰ্চ কমাণ্ডাৰ হিচাপে নিযুক্তি দিছে।তেওঁ ভাৰতৰ লেফটেনেণ্ট জেনেৰেল শৈলেশ টিনাইকাৰৰ উত্তৰাধিকাৰী। সুব্ৰমনিয়ামৰ “ভাৰতীয় সেনাৰ সৈতে ৩৬ বছৰতকৈও অধিক সময় ধৰি এক বিশিষ্ট সামৰিক কেৰিয়াৰ আছে আৰু অতি শেহতীয়াকৈ, তেওঁ মধ্য ভাৰতৰ সামৰিক অঞ্চলৰ (অপাৰেশ্যনেল এণ্ড লজিষ্টিক ৰেডিনেছ জোন) জেনেৰেল অফিচাৰ কমাণ্ডিং হিচাপে কাৰ্যনিৰ্বাহ কৰিছিল, যি সেনাৰ কাৰ্যকৰী আৰু লজিষ্টিক প্ৰস্তুতিত অৰিহণা যোগাইছিল”, ৰাষ্ট্ৰসংঘই কয়।