মল্লযোদ্ধাসকলৰ সৈতে ভাৱ বিনিময় কৰে অসম তৃণমূল যুৱ কংগ্ৰেছৰ সাধাৰণ সম্পাদিকা পলাক্ষী দাসে
ৰঙিলী বাৰ্ত্তাসেৱা– যৌন নিৰ্যাতনৰ অভিযোগত সৰ্বভাৰতীয় মল্লযোদ্ধা সংস্থাৰ সভাপতি তথা বিজেপি সাংসদ ব্ৰিজভূষণ চৰণ সিঙৰ বিৰুদ্ধে ব্যৱস্থা গ্ৰহণৰ দাবীত নতুন দিল্লীৰ যন্তৰ মন্তৰত ধৰ্ণা অব্যাহত ৰখা দেশৰ মল্লযোদ্ধাসকলৰ প্ৰতি অসম তৃণমূল কংগ্ৰেছৰ সমৰ্থন প্ৰকাশৰ অংশ হিচাপে দলৰ তৰফৰ পৰা তেওঁলোকৰ কাষত উপস্থিত হয় অসম তৃণমূল যুৱ কংগ্ৰেছৰ সাধাৰণ সম্পাদিকা পলাক্ষী দাস। পলাক্ষী দাসে মল্লযোদ্ধাসকলৰ সৈতে ভাৱ বিনিময় কৰি অন্যায়ৰ বিৰুদ্ধে যুঁজত তেওঁলোকৰ প্ৰতি অসম তৃণমূল কংগ্ৰেছৰ সম্পূৰ্ণ সমৰ্থন আৰু সমমৰ্মিতা থকাৰ কথা প্ৰকাশ কৰি দেশৰ সম্পদ ক্ৰীড়াবিদসকলৰ মনোবল বৃদ্ধিৰ প্ৰয়াস কৰে।