প্ৰাক্তন শিক্ষামন্ত্ৰী থানেশ্বৰ বড়োৰ মৃত্যুত অসম প্ৰকাশন পৰিষদৰ শোক
ৰঙিলী বাৰ্ত্তাসেৱা- অসমৰ প্রাক্তন শিক্ষামন্ত্রী তথা অসম প্রকাশন পৰিষদৰ প্রাক্তন অধ্যক্ষ থানেশ্বৰ বড়োৰ মৃত্যুত পৰিষদে গভীৰ শোক প্রকাশ কৰিছে। অসম প্রকাশন পৰিষদৰ কার্যালয়ত পৰিষদৰ সচিব প্রমোদ কলিতাৰ পৌৰোহিত্যত সকলো বিষয়া তথা কৰ্মচাৰীৰ উপস্থিতিত কালি অনুষ্ঠিত এখন শোকসভাত প্রাক্তন শিক্ষামন্ত্রী তথা পৰিষদৰ প্ৰাক্তন অধ্যক্ষ থানেশ্বৰ বড়োৰ মৃত্যুত গভীৰ শোক প্রকাশ কৰে । শোকসভাত প্রয়াত বড়োৰ বিদেহ আত্মাৰ সদ্গতি কামনাৰ অর্থে এক মিনিট মৌন প্রার্থনা জনোৱা হয় আৰু শোকসন্তপ্ত পৰিয়াললৈ গভীৰ সমবেদনা জ্ঞাপন কৰা হয়।