তথ্য আৰু জনসংযোগ সঞ্চালকালয়ৰ আৰ্ট এড্ভাইজাৰ তৰেন্দ্ৰ বসুমতাৰীৰ অৱসৰ
দিছপুৰ, ৰঙিলী বাৰ্ত্তাসেৱা- তথ্য আৰু জনসংযোগ সঞ্চালকালয়ৰ তৰেন্দ্ৰ বসুমতাৰীয়ে সুদীৰ্ঘ ৩২ বছৰীয়া চাকৰিৰ কাৰ্যকাল সামৰি অৱসৰ গ্ৰহণ কৰে৷ তেওঁ ১৯৯০ চনৰ ২৭ আগষ্টত কাৰু শিল্পী [মডেলাৰ] হিচাপে কৰ্মজীৱন আৰম্ভ কৰি চলিত বৰ্ষত আৰ্ট এড্ভাইজাৰ পদলৈ পদোন্নতি লাভ কৰিছিল৷ অতিৰিক্ত সঞ্চালক প্ৰদীপ ব্ৰহ্মৰ সভাপতিত্বত জনসংযোগ সঞ্চালকালয়ৰ সভাগৃহত আয়োজিত এক অনুষ্ঠানত শ্ৰীবসুমতাৰীক আনুষ্ঠানিকভাৱে বিদায় সম্ভাষন জনোৱা হয়৷ দীৰ্ঘকাল সততা, নিষ্ঠা আৰু দায়বদ্ধতাৰে কৰ্মজীৱনৰ সামৰণি মৰাৰ সময়ত সঞ্চালকালয়ৰ সমূহ বিষয়া-কৰ্মচাৰীয়ে একেমুখে তেখেতৰ শলাগ লয় লগতে তেখেতৰ সুস্বাস্থ্য আৰু দীৰ্ঘায়ু কামনা কৰে৷ সভাত বসুমতাৰীয়ে দীৰ্ঘদিনীয়া কৰ্মজীৱনৰ অভিজ্ঞ তাৰ বিষয়ে উল্লেখ কৰি সকলোকে কৃতজ্ঞতা জ্ঞাপন কৰে৷ সভাত যুটীয়া সঞ্চালক জ্যোতিৰ্ময় চক্ৰৱৰ্তী, উপসঞ্চালক প্ৰাণজিৎ হাজৰিকা প্ৰমুখ্যে সঞ্চালকালয়ৰ সমূহ বিষয়া কৰ্মচাৰী উপস্থিত থাকে৷