আফগানিস্তানৰ কান্দাহাৰত চিয়া মুছলমান সম্প্ৰদায়ৰ মছজিদত সন্ত্রাসবাদী সংগঠন ইছলামিক ষ্টেটৰ আক্রমণ
ৰঙিলী বাৰ্ত্তাসেৱা – আফগানিস্তানৰ কান্দাহাৰত সন্ত্রাসবাদী সংগঠন ইছলামিক ষ্টেটে চিয়া মুছলমান সম্প্ৰদায়ৰ মছজিদত আক্রমণ চলায়। কুখ্যাত সন্ত্রাসবাদী সংগঠনটোৱে শুক্ৰবাৰৰ নামাজ চলি থকাৰ সময়তে সংঘটিত কৰে আত্মঘাতী বিস্ফোৰণ। এই বিস্ফোৰণৰ ফলত ঘটনাস্থলীতে ৩২গৰাকী লোক নিহত হয়। ইয়াৰ উপৰি অর্ধশতাধিক গুৰুতৰভাৱে আহত হোৱা বুলি প্ৰত্যক্ষদর্শীৰ বক্তব্যৰ উদ্ধৃতি দি সংবাদ সংস্থা বিবিচিয়ে প্রতিবেদন প্রকাশ কৰিছে। উল্লেখ যে মাত্র এটা সপ্তাহ পূর্বে আফগানিস্তানৰ মছজিদত নামাজ চলি থকা সময়ত ইছলামিক ষ্টেটৰ আত্মঘাতীয়ে চলোৱা বিস্ফোৰণত নিহত হৈছিল শতাধিক লোক।