ৰাতিপুৱা-এছ ইছলাম

Pc Unsplash
ৰাতিপুৱা
         এছ ইছলাম,শিক্ষক
                মইনবৰী, বৰপেটা
 উঠা উঠা              সোণ ময়না
    উঠা গিৰিসাই,
সৌ চোৱা              ৰহিম কৰিম
  শুই থকা নাই।
সৌ চোৱা           চৰাই-চিৰিকটি
      উঠিল কিৰিলিয়াই,
সৌ চোৱা               গাই দামূৰী
         উঠিল হেম্বেলিয়াই।
সৌ চোৱা                পাৰ চৰাই
           উঠিল ৰুণৰুণাই,
সৌ চোৱা             ঘন চিৰিকাই
           উঠিল চিৰিকাই।
সৌ চোৱা             কুলি-কেতেকী
           উঠিল কুউ কুউকৈ,
সৌ চোৱা               মঠ-মন্দিৰত
          পুৱাৰ স্তুতিগীত গায়।
পূব আকাশত       ৰঙা বেলিটিয়ে
       উঠিছে ৰাঙলী হৈ,
ফুলবোৰৰত        কলি ভোমোৰাই
     আছে গুণগুণাই।
উঠা উঠা                সোণ ময়ন
চকু হাত-মুখ ধোৱা,
পুৱাৰ জলপান        খাই উঠি গৈ
            নিজৰ পাঠ কোৱা।