মানি লণ্ডাৰিং গোচৰত জামিন প্ৰদান জেকলিনক
ৰঙিলী বাৰ্ত্তাসেৱা- বলীউডৰ অভিনেত্ৰী জেকলিন ফাৰ্ণাণ্ডেজক ২০০ কোটি টকাৰ মানি লণ্ডাৰিং গোচৰত জামিন দিয়া হৈছে। জেকলিনে পাটিয়ালা উচ্চ ন্যায়ালয়ৰ পৰা এই সকাহ পাইছে। অভিনেত্ৰীগৰাকী সুকেশ চন্দ্ৰশেখৰ ধন ৰপ্তানিৰ গোচৰত নিৰন্তৰ শিৰোনামত আছিল। এই গোচৰটোৰ তদন্ত সম্পূৰ্ণ হোৱাৰ ভিত্তিত জেকলিনক আদালতে জামিন প্ৰদান কৰিছে, সেয়েহে অভিনেত্ৰীগৰাকীক জিম্মাত ৰখাৰ কোনো প্ৰয়োজন নাই। লগতে, এই গোচৰটোৰ অভিযোগ পত্ৰও দাখিল কৰা হৈছে। গোচৰটোৰ শুনানি ১১ নৱেম্বৰত দিল্লীৰ পাটিয়ালা হাউচ আদালতত হৈছিল। ইয়াৰ সন্দৰ্ভত, জেকলিন নিৰন্তৰ দিল্লীৰ আদালতত উপস্থিত হৈ আছিল। ইডিয়ে আদালতক কৈছে যে জেকলিনক জামিন দিয়া হ’লে শ্ৰীলংকালৈ পলাই যাব পাৰে। তদন্তকাৰী সংস্থাটোৱে কৈছিল যে অভিযুক্ত জেকলিন ফাৰ্ণাণ্ডেজ অৱগত আছিল যে সুকেশ চন্দ্ৰশেখৰ এজন প্ৰৱঞ্চক আছিল আৰু ইয়াৰ স্বত্বেও, তেওঁ তেওঁৰ পৰা ব্যয়বহুল উপহাৰ লোৱা অব্যাহত ৰাখিছিল।