পৰিস্থিতি অত্যন্ত অনিশ্চিত, আপুনি য’তে আছে সুৰক্ষিত থাকক: ভাৰতীয় দূতাবাস
ৰঙিলী বাৰ্ত্তাসেৱা- ইউক্ৰেইনৰ ভাৰতীয় দূতাবাসে ইউক্ৰেইনৰ সকলো ভাৰতীয় নাগৰিকক এক পৰামৰ্শ জাৰি কৰি কয় যে দেশখনৰ পৰিস্থিতি অত্যন্ত অনিশ্চিত। তেওঁলোকক শান্ত হৈ থাকিবলৈ আৰু তেওঁলোক য’ত আছে তাত সুৰক্ষিত থাকিবলৈ আহ্বান জনাইছিল, সেয়া ঘৰ, হোষ্টেল, বাসস্থান বা পৰিবহনত হওঁক। লগতে ভাৰতীয় নাগৰিকসকলক ইউক্ৰেইনৰ ৰাজধানী কিয়েভলৈ ভ্ৰমণ নকৰিবলৈ পৰামৰ্শ দিছিল।ইউক্ৰেইনত ২০,০০০তকৈও অধিক ভাৰতীয় নাগৰিক আবদ্ধ হৈ আছে আৰু কৰ্তৃপক্ষই তেওঁলোকক ঘূৰি অহাৰ সুবিধা নিশ্চিত কৰিছে।ৰাষ্ট্ৰসংঘত ভাৰতৰ স্থায়ী প্ৰতিনিধি টি এছ তিৰুমূৰ্তিয়ে ইউক্ৰেইনৰ ওপৰত ইউএনএছচিৰ এখন বৈঠকত কয়, “ইউক্ৰেইনত ২০,০০০ তকৈও অধিক ভাৰতীয় শিক্ষাৰ্থী, আমি শিক্ষাৰ্থীসহ সকলো ভাৰতীয় নাগৰিকক আমাক প্ৰয়োজন অনুসৰি ঘূৰাই অনাত সহায় কৰি আছো।”