পৰিস্থিতিৰ দাস
চাহ কাপ দিবলৈ আহি তাই দেখিলে , আজিও শাহুৱেকে ৰঙা হৈ পৰা কয়লাৰ ইস্ত্ৰিটো ডাঙিবলৈ চেষ্টা কৰি আছে ৷
“ মা ’ , আপুনি মনে মনে ইস্ত্ৰিটো জ্বলাই থাকে কিয় ? এতিয়াটো ইয়াৰ প্ৰয়োজন নাই ।’’
“ দেউতাক ঢুকুৱাৰ পিছত লোকৰ কাপোৰ ইস্ত্ৰি কৰিয়েই ইয়াক খুটি খাব পৰা কৰিলোঁ ৷ আজিকালি দেখোন দাঙিব নোৱাৰা হ’লো !”
“ তেতিয়া আপুনি পৰিস্থিতিত পৰিছিল ৷ এতিয়া বয়স হ’ল ৷ — — আৰাম কৰক ৷’’
বোৱাৰীয়েকে কয়লাখিনিত পানী ঢালি দিলে ৷
শাহুৱেকৰ মুখত সন্তুষ্টিৰ আভা বিয়পি পৰিল ৷
– অঞ্জুমণি শইকীয়া ৷
যোৰহাট , মালৌ- আলি ৷