দুৰ্গা দেৱী
দুৰ্গা দেৱী আই তুমি দুৰ্গতিনাশিনী ,
দুৰ্গতিক নাশ কৰা মহিষমৰ্দিনী ৷
শান্তি প্ৰতিষ্ঠা কৰা নাশ কৰা দুখ ,
পৃথিৱীক শান্ত কৰা দূৰ কৰা ক্লেশ ৷
ষষ্ঠীৰ বেদীত বহি লোৱা পূজা ভাগ ,
ভক্তসকলক দেৱী দিয়া আশীৰ্বাদ ৷
শক্তিৰ আধাৰ তুমি দেৱী মহামায়া ,
তোমাৰ চৰণতলে দিয়া পদছায়া ৷
তুমি দেৱী দশভূজা অসুৰঘাতিনী ,
তুমি কৃপাময়ী দেৱী জগতজননী ৷
তুমি যে কৰুণাময়ী পতিত পাৱনী ,
তোমাৰ মহিমা মাতৃ বুজি নাপাওঁ আমি ৷
-অৰুণা গোস্বামী
তিতাবৰ