কোভিড ভেকচিন গ্ৰহণৰ সপক্ষে ৰামদেৱ

অনলাইন বাৰ্ত্তাসেৱা – পতঞ্জলি আয়ুৰ্বেদৰ প্ৰতিষ্ঠাপক বাবা ৰামদেৱে কৈছিল যে তেওঁৰ যোগ আৰু আয়ুৰ্বেদৰ সুৰক্ষা আছে বাবে তেওঁক কোনো কোভিড ভেকছিনৰ প্ৰয়োজন নাই, আকৌ এই ঘটনাৰ পিছত বৃহস্পতিবাৰে তেওঁ কৈছিল যে তেওঁ সোনকালেই ভেকচিন লব  আৰু ইয়াৰ লগতে তেওঁ চিকিৎসকসকলক “পৃথিৱীত ঈশ্বৰৰ দূত” বুলি বৰ্ণনা কৰে। ইয়াৰ আগতে, তেওঁ দাবী কৰিছিল যে এলোপেথি হৈছে এক “মূৰ্খ বিজ্ঞান” আৰু ৰেমডেচিভিৰ, ফেভিফ্লু, আৰু ভাৰতীয় ঔষধ নিয়ন্ত্ৰক জেনেৰেলৰ দ্বাৰা অনুমোদিত অন্যান্য ঔষধবোৰে কোভিড-১৯ ৰোগীৰ চিকিৎসা কৰাত ব্যৰ্থ হৈছে। আৰু এতিয়া, প্ৰধানমন্ত্ৰী শ্ৰী নৰেন্দ্ৰ মোদীয়ে মঙলবাৰে বিনামূলীয়া ভেকচিনৰ বিষয়ে ঘোষণা কৰাৰ ফলত ৰামদেৱে নিজকে টিকাকৰণ কৰাই। ৰামদেৱে কৈছিল, “ভেকছিনৰ দুয়োটা পালি আৰু যোগ আৰু আয়ুৰ্বেদৰ দ্বৈত সুৰক্ষা প্ৰাপ্ত কৰক। ইএ দুয়ো একত্ৰিত হৈ ইমান শক্তিশালী সুৰক্ষা প্ৰদান যে কোভিডৰ ফলত কোনো ব্যক্তিৰ মৃত্যু নহ’ব।” তেওঁ কেতিয়া ভেকছিনটো পাব বুলি সোধাৰ সময়ত তেওঁ কয়, “অতি সোনকালে।” প্ৰতিবেদনঅনুসৰি, ৰামদেৱে কৈছিল যে ইণ্ডিয়ান মেডিকেল এছ’চিয়েচন (আইএমএ)ৰ সৈতে চলি থকা সংঘৰ্ষৰ ক্ষেত্ৰত তেওঁৰ কোনো সংগঠনৰ সৈতে কোনো বিদ্বেষ থাকিব নোৱাৰে। তেওঁ কৈছিল যে তেওঁ ঔষধৰ নামত মানুহৰ শোষণৰ বিৰুদ্ধে থিয় দিছিল। তেওঁ লগতে কয় যে জৰুৰীকালীন চিকিৎসা আৰু অস্ত্ৰোপচাৰৰ বাবে এলোপেথি সৰ্বশ্ৰেষ্ঠ। “যেতিয়া জৰুৰীকালীন চিকিৎসা আৰু অস্ত্ৰোপচাৰৰ কথা আহে, এলোপেথি হৈছে সৰ্বশ্ৰেষ্ঠ। এই সন্দৰ্ভত দুটা মতামত থাকিব নোৱাৰে,” ৰামদেৱে লগতে কয়।