আজিনো কি লিখোঁ ?? – তানিয়া মধুকল্য

বিশ্ব_কবিতা_দিৱস_বিশেষ

আজিনো কি লিখোঁ ?? 

আজিনো কি লিখোঁ ??

তাকে ভাবি – ভাবি

আকৌ ডায়েৰীৰ পৃষ্ঠা

লুটিয়াই চালো,

পঢ়িলোঁ মই লিখি

অহা দিনলিপিবোৰ

তাৰ মাজতেই সোমাই

আছে মোৰ অনুভৱৰ

কিছু ভাললগা স্তৱক ।

পঢ়ি চালো সেইবোৰ ।

আকৌ এবাৰ ৰোমন্থন কৰিলোঁ

মোৰ পাৰ হৈ যোৱা অতীতক

ভাবিলো এটা কবিতাকে লিখোঁ ।

আকৌ কলম তুলিলো

ডায়েৰীৰ এখন ছাফা পৃষ্ঠাত

আকৌ টুকিলোঁ মোৰ এটি

নতুন অনুভৱ ।

আকৌ লিখিলোঁ

এটা নতুন কবিতা ।

লিখিলোঁ প্ৰকৃতিৰ কথা,

লিখিলোঁ মানৱ জীৱনৰ কথা,

পাতলালো মোৰ মনত

দোলা দি থকা কিছু

সুমধুৰ অনুভৱ ।

আজি মই আকৌ এটি

নতুন কবিতা লিখিলোঁ ।।

 

 

 তানিয়া মধুকল্য

প্ৰথম ষাণ্মাসিক ইংৰাজী বিভাগ

বিহপুৰীয়া মহাবিদ্যালয়, বিহপুৰীয়া