অলপ অনুভৱ- মিনতি গোস্বামী

PC_lenny zeltser

অলপ অনুভৱ

মিনতি গোস্বামী

কাৰে কাল হাতোৰাত বন্দী আজি

আমাৰ এই মৰমৰ পৃথিৱী খনি ,

বাৰুকৈয়ে উঠিছে প্ৰশ্ন জাগি

জীয়াই থাকিবনে মানৱ জাতি ।

যেনিয়ে চাওঁ দেখো তেনিয়ে পাওঁ

মৃত্যুৰ সহজ শয়ন ,

অশ্ৰুসিক্ত শত নয়ন ভাগৰে

বিচাৰি যে চিনাকি বয়ন ।

চিতাৰ জুয়ে জানো দিব কাহানিবা

হেপাহৰ ঘৰখনি সাজি ?

ত্ৰাসিত সময়ৰ আকাশত উঠে

কাল মেঘ চপৰা – চপৰ ,

ইতঁৰ প্ৰাণীয়েও ৰৈ ৰৈ কান্দে

দেখি বিলাই জীৱ শ্ৰেষ্ঠৰ ।

নেলাগে নুশুনো আৰু কৰুণ বিননি

বিচাৰো জীৱন আহক মৰণ জিনি ।