ৰাছিয়াৰ উত্তেজনাৰ মাজত ভাৰতীয়সকলক ঘূৰাই আনিবলৈ এয়াৰ ইণ্ডিয়াই ইউক্ৰেইনৰ পৰা ৩ খন বিমান উৰাব
ৰঙিলী বাৰ্ত্তাসেৱা- ইউক্ৰেইন আৰু ৰাছিয়াৰ মাজত সৃষ্টি হোৱা উত্তেজনাৰ মাজত শিক্ষাৰ্থীসহ ভাৰতীয় নাগৰিকসকলক ঘূৰাই অনাৰ বাবে এয়াৰ ইণ্ডিয়াই এই মাহত ইউক্ৰেইনৰ কিয়েভ আৰু দিল্লীৰ মাজত তিনিখন বিমান পৰিচালনা কৰিব। এই তিনিখন বিমান ২২, ২৪ আৰু ২৬ ফেব্ৰুৱাৰীত পৰিচালনা কৰা হ’ব বুলি কিয়েভৰ ভাৰতীয় দূতাবাসে ঘোষণা কৰে। ইয়াৰ আগতে, দূতাবাসে এক পৰামৰ্শ জাৰি কৰি কৈছিল যে ভাৰতীয়সকলে অস্থায়ীভাৱে ইউক্ৰেইন এৰি যোৱাৰ কথা বিবেচনা কৰিব পাৰে।