লক্ষীনগৰ উন্নয়ন সমিতিৰ প্ৰতিষ্ঠাপক সদস্য সমাজকৰ্মী তথা ৰেল বিভাগৰ অৱসৰপ্ৰাপ্তৰ কৰ্মচাৰী মুনিন শইকীয়া পৰলোক : অঞ্চলটোত শোকৰ ছাঁ
এম হাছিম আলী,ডিব্ৰুগড়,ৰঙিলী বাৰ্ত্তাসেৱা- ডিব্ৰুগড় জিলাৰ বৰবৰুৱা উন্নয়ন খণ্ডৰ অন্তৰ্গত মানকটা লক্ষীনগৰ ১নং পথৰ নিবাসী তথা লক্ষীনগৰ উন্নয়ন সমিতিৰ প্ৰতিষ্ঠাপক সদস্য, সমাজ সেৱক,ৰেল বিভাগৰ অৱসৰপ্ৰাপ্ত কৰ্মচাৰী মুনিন শইকীয়াৰ (৭৫) আজি (৭ মে’ )দেহাৱসান ঘটে। কিছুদিনৰ পৰা বৃক্কৰোগত আক্ৰান্ত হৈ থকা শইকীয়াই লক্ষীনগৰ নিজা বাসগৃহত শেষ নিশ্বাস ত্যাগ কৰে। সমাজ কৰ্মী মুনীন শইকীয়াই মৃত্যুৰ সময়ত পত্নী সহ দুই সন্তান বোৱাৰী, নাতি-নাতিনীৰ লগতে আত্মীয় স্বজনক ইহসংসাৰত এৰি গৈছে। সমাজ সেৱক মুনীন শইকীয়াৰ মৃত্যুত ডিব্ৰুগড়ৰ লক্ষীনগৰৰ ৰাইজে গভীৰ শোক প্ৰকাশ কৰা লগতে শোকসম্তপ্ত পৰিয়ালক সমবেদনা জ্ঞাপন কৰে। লক্ষীনগৰ উন্নয়ন সমিতিৰ সভাপতি,সুনীল ৰাজকোঁৱৰ,সম্পাদক প্ৰশান্ত শইকীয়া, সদৌ ডিব্ৰুগড় জিলা কোচ ৰাজবংশী ছাত্ৰ সন্থাৰ সভাপতি দিগন্ত শইকীয়া, সম্পাদক, প্ৰাঞ্জল দত্তই শোক প্ৰকাশ কৰিছে।