মাজুলীৰ মুদৈবিলৰ এনাজৰী মহিলা বিহু দলৰ উদ্যোগত অনুষ্ঠিত ঢোলবাদন, বিহুনাচ কৰ্মশালাৰ সফলতাৰে সামৰণি
বিকাশ শইকীয়া, মাজুলী,ৰঙিলী বাৰ্ত্তাসেৱা- ৰাজ্যখনৰ অন্যান প্ৰান্তৰ দৰে মাজুলীৰো বিভিন্ন ঠাইত অনুষ্ঠিত হৈ আছে বিহু কৰ্মশালা। ২৬ মাৰ্চৰ পৰা মাজুলীৰ মুদৈবিলৰ এনাজৰী মহিলা বিহু দলৰ উদ্যোগত মুদৈবিল চাৰিআলিস্হিত মুদৈবিল – তেলিয়াবাৰী নিম্ন বুনিয়াদী বিদ্যালয়ৰ খেলপথাৰত অনুষ্ঠিত হোৱা বিহু কৰ্মশালাৰ খনিৰ আজি সফলতাৰে সামৰণি পৰে। বিহু কৰ্মশালাখনিত অংশগ্ৰহণ কৰা অঞ্চলটোত ৭০ গৰাকী নাচনী আৰু ৩০ জন ঢুলীয়াক আজি আয়োজক সমিতিৰ তৰফৰ পৰা প্ৰশিক্ষণৰ অন্তত মানপত্ৰ প্ৰদান কৰে । এনাজৰী মহিলা বিহু দলৰ সভানেত্ৰী দুলু ভৰালী আৰু সম্পাদিকা জোন বৰাই কৰ্মশালাখনিত সহযোগিতা আগবঢ়োৱাৰ বাবে অঞ্চলবাসী ৰাইজলৈ ধন্যবাদ জনাই।