মাজুলীত “মিত্ৰ মণ্ডল” ৰ উদ্যোগত বান সাহায্য প্ৰদান
বিকাশ শইকীয়া, মাজুলী,ৰঙিলী বাৰ্ত্তাসেৱা- স্বেচ্ছাসেৱী সংগঠন “মিত্ৰ মণ্ডল”ৰ উদ্যোগত মাজুলীৰ বানপীড়িত অঞ্চলত অলপতে বান সাহায্য প্ৰদান কৰা হয়। মানুহ সদায় মানুহৰ বাবেই বুলি আৰম্ভ কৰা মিত্ৰ মণ্ডলৰ উদ্যোগত আৰু অসমৰ ৰাইজৰ সহযোগত মাজুলীৰ বানপীড়িত জুগুনীধাৰী, বৰটানী অঞ্চলত কিছু খাদ্য সামগ্ৰীৰ লগতে তথা ছাত্ৰ -ছাত্ৰী সকলৰ বাবে বহী কলম বিতৰণ কৰা হয় । মিত্ৰ মণ্ডলৰ সদস্য সকলে মাজুলীৰ বানপীড়িত ৰাইজৰ মাজত চাউল, দাইল , মিঠাতেল, আলু, চাবোন , বিস্কুট , মম, মহ মাখি খেদুৱা ধুপ, চেনিটেৰী পেড, বিছলেৰী পানী , নিমখ আদি বিতৰণ কৰে। বান পীড়িত ছাত্ৰ – ছাত্ৰীসকলৰ বাবে স্বেচ্ছাসেৱী সংগঠনটোৱে কাগজ, কলম, পেঞ্চিল,ৰাবাৰ, জ্যামিতি বক্স আদি বিতৰণ কৰে ।