মহানগৰীৰৰ নুনমাটিত পুনৰ চাঞ্চল্যকৰ ডকাইতি কাণ্ড
ৰঙিলী বাৰ্ত্তাসেৱা- মহানগৰীৰ নুনমাটিৰ কেবিনচকৰ ৰে’ল লাইনত নিশা এগৰাকী যুৱতীৰ বেগৰ পৰা দুৰ্বৃত্তই কাঢ়ি নিলে মোবাইল ফোন।মুখত কলা কাপোৰ বান্ধি আহিছিল দুৰ্বৃত্তৰ দল।লগতে দুৰ্বৃত্তৰ দলটোৱে শাৰীৰিকভাৱে আক্ৰমনো কৰে যুৱতী গৰাকীক।ভৰলুৰ এখন ফাৰ্নিছাৰ প্ৰতিষ্ঠানত কৰ্মৰত যুৱতী গৰাকী নিজৰ কৰ্ম সম্পাদন কৰি নুনমাটি কেবিন চকৰ ৰে’ল অলিৰে খোজ কাঢ়ি পাৰ হৈ অহাৰ সময়ত নিশা ৮.৩০ বজাত সংঘটিত হয় এই ঘটনা । যুৱতী গৰাকীৰ ঘৰ বড়ো চকৰ,শ্ৰীনগৰত। ঘটনা সন্দৰ্ভত ভুক্তভোগী যুৱতী গৰাকীয়ে দাখিল কৰিছে এজাহাৰ।কালি নিশা একে স্থানতে দুৰ্বৃত্তৰ দলে এগৰাকী ৰে’লৱেৰ অভিযন্তাৰ ডিঙি কাটি দুৰ্বৃত্তৰ দলে লুটি নিছিল ধন।