মহানগৰীত ১২ কোটি টকাৰ হেৰ’ইন জব্দ
ৰঙিলী বাৰ্ত্তাসেৱা- মহানগৰীত বিশাল পৰিমাণৰ হেৰ’ইন জব্দ।এ পি এছ চি কাৰ্যালয়ৰ সন্মুখত জব্দ কৰা হৈছে হেৰ’ইনখিনি। জব্দ কৰা হেৰ’ইনখিনিৰ মূল্য প্ৰায় ১২ কোটি টকাৰো অধিক হ’ব। এ এছ ০১ এফ এন ০৭৩৩ নম্বৰৰ ৱাগনাৰ বাহনৰ পৰা জব্দ কৰা হয় এই হেৰ’ইনখিনি। প্ৰায় ১.৫ কেজি ওজনৰ আছিল হেৰ’ইনখিনি। জব্দ হোৱা হেৰ’ইনখিনি কঢ়িয়াই আনিছিল জামাল আলি আৰু চেলিমুদ্দিন নামৰ দুজন ব্যক্তিয়ে। জামাল আলি আৰু চেলিমুদ্দিনক আটক কৰিছে এছ টি এফে। ত্ৰিপুৰা আৰু মণিপুৰৰ পৰা বিশাল পৰিমাণৰ হেৰ’ইনখিনি অনাৰ তথ্য আছিল এছ টি এফৰ। এই অভিযানৰ নেতৃত্ব দিছিল এছ টি এফৰ মহাপৰিদৰ্শক পাৰ্থ সাৰথি মহন্ত আৰু অতিৰিক্ত আৰক্ষী অধীক্ষক কল্যাণ কুমাৰ পাঠকে।