নিজকে ভাল পাবলৈ শিকোঁ আহক
হীৰক কলিতা , স্নাতক ষষ্ঠ ষাণ্মাসিক,
অসমীয়া বিভাগ , নলবাৰী মহাবিদ্যালয়
জীৱনৰ প্ৰতিটো খোজতে আত্মপ্ৰেমৰ যথেষ্ট প্ৰয়োজন আছে । আত্মপ্ৰেম স্বাৰ্থপৰ নহয় , ই হৈছে এক সুস্থ – সবল , পৰিপূৰ্ণ জীৱনৰ মূল শিলাস্তম্ভ । ই হৈছে নিজকে মূল্য দিয়া, অসম্পূৰ্ণতাক আঁকোৱালি লোৱা আৰু আমি নিজৰ সৈতে ইতিবাচক সম্পৰ্ক গঢ়ি তোলাৰ এক অভ্যাস । আত্মপ্ৰেমৰ আৰম্ভণি হয় আত্মগ্ৰহণৰ পৰা । অতীতৰ ভুলৰ ওপৰত গুৰুত্ব দিয়াৰ পৰিৱৰ্তে বা নিজকে আনৰ লগত তুলনা কৰাৰ পৰিৱৰ্তে আমি নিজৰ উন্নতিৰ লগতে আনকো কেনেদৰে সহায় সহযোগিতা কৰিব পাৰোঁ সেই বিষয়ে গুৰুত্ব দিয়া উচিত । মানসিকতাৰ এই পৰিৱৰ্তনে স্থিতিস্থাপকতা আৰু আভ্যন্তৰীণ শান্তিৰ পোষকতা কৰে । আত্মপ্ৰেম কোনো গন্তব্যস্থান নহয় বৰঞ্চ এক যাত্ৰা – যাৰ বাবে ধৈৰ্য্য, অভ্যাস আৰু অধ্যৱসায়ৰ প্ৰয়োজন । যেতিয়া আপুনি নিজকে ভাল পায় তেতিয়া আপুনি অধিক প্ৰামাণিকভাৱে জীয়াই থাকিব পাৰে আৰু আত্মবিশ্বাসৰে সকলো কামতে আগুৱাই যাৱ পাৰে ।