ড্ৰাগছসহ দুজন ড্ৰাগছ সৰবৰাহকাৰীক গ্ৰেপ্তাৰ
ৰঙিলী বাৰ্ত্তাসেৱা- গড়চুক আৰক্ষীয়ে কটাহবাৰী নিজৰাপাৰত অভিযান চলাই হাছিম আলী (২২) নামৰ এটা ড্ৰাগছ সৰবৰাহকাৰীক গ্ৰেপ্তাৰ কৰে। ধৃত সৰবৰাহকাৰীটোৰ পৰা ২৮টা কণ্টেইনাৰত ভৰাই ৰখা ১৫.৩৩ গ্রাম হেৰ’ইন জব্দ কৰে। যোৰাবাট আৰক্ষীয়েও অভিযান চলাই দুই পেকেট হেৰ’ইনসহ ছোহাব আলী নামৰ এটা ড্ৰাগছ সৰবৰাহকাৰীক গ্ৰেপ্তাৰ কৰে। এক গোপন সূত্ৰৰ পৰা লাভ কৰা তথ্যৰ ভিত্তিত যোৰাবাট আৰক্ষী চকীৰ ভাৰপ্ৰাপ্ত বিষয়া কপিল পাঠকৰ নেতৃত্বত যোৱা এটা দলে বর্ণিহাটৰ পৰা গুৱাহাটী অভিমুখে আহি থকা ট্ৰাকখনৰ পৰা ড্ৰাগছ সৰবৰাহকাৰীটোক গ্ৰেপ্তাৰ কৰে। আৰক্ষীয়ে ধৃত ড্ৰাগছ সৰবৰাহকাৰীটোৰ পৰা দুটা চাবোনৰ বাকচত ভৰাই অনা ২৫.৮ গ্রাম হেৰ’ইন জব্দ কৰে। ঘটনা সন্দৰ্ভত এন ডি পি এছ এক্টৰ অধীনত এটা গোচৰ ৰুজু কৰি তদন্ত অব্যাহত ৰাখিছে।