ডিব্ৰুগড়ত মুখ্য মন্ত্ৰীৰ উপস্থিতিত বিজেপিত নেতাৰ যোগদান
এম হাছিম আলী,ডিব্ৰুগড়,ৰঙিলী বাৰ্ত্তাসেৱা- ডিব্ৰুগড়ত যোৱ ২৬ মাৰ্চত মুখ্যমন্ত্ৰী ড০ হিমন্ত বিশ্ব শৰ্মাৰ উপস্থিতিত ডিব্ৰুগড়ৰ বিজেপিৰ অস্থায়ী নিৰ্বাচনী কাৰ্যালয়ত কংগ্ৰেছকে ধৰি কেইবাগৰাকীও নেতাই বিজেপিত যোগদান কৰে।এই যোগদান কাৰ্যসূচীত উপস্থিত আছিল কেন্দ্ৰীয় মন্ত্ৰী তথা ডিব্ৰুগড় লোকসভাৰ বিজেপিৰ প্ৰাৰ্থী সৰ্বানন্দ সোণোৱাল।বিজেপিত যোগদান কৰে তিনিচুকীয়া জিলা কংগ্ৰেছৰ সভাপতি প্ৰণৱ বৰুৱাসহ কেইবাগৰাকী কংগ্ৰেছী নেতাই।ইয়াৰ ভিতৰত কংগ্ৰেছৰ প্ৰাক্তন সাধাৰণ সম্পাদক বিৰিঞ্চি নেওগ, জ্যেষ্ঠ কংগ্ৰেছী মহেশ মৰাণ আৰু থমাচ বৰুৱা। ইয়াৰ লগতে বিজেপিত যোগদান কৰে কেবাটাও দল সংগঠনৰ নেতা, প্ৰাক্তন নেতাই। এই অনুষ্ঠানত উপস্থিত থাকি মুখ্যমন্ত্ৰী ড০ হিমন্ত বিশ্ব শৰ্মাই কয় যে যিটো হাৰত বিজেপিত কংগ্ৰেছী মানুহে যোগদান কৰিছে এতিয়া ৰাজীৱ ভৱনত বহিবলৈ মানুহ নাথাকিব এনেকুৱা পৰিবেশত অসমখন গৈ আছে। এই যোগদান কৰা সকলৰ ভিতৰত আৰু আছে ধৰণী গোহাঁই, মুখ্য উপদেষ্টা সদৌ অসম মটক যুৱ- ছাত্ৰ সন্মিলন, সত্যজিৎ বৰুৱা প্ৰাক্তন সাধাৰণ সম্পাদক, সদৌ অসম মটক যুৱ- ছাত্ৰ সন্মিলন,কেন্দ্ৰীয় সমিতি, দিগন্ত দুৱৰা, প্ৰাক্তন উপ সভাপতি সদৌ অসম মটক যুৱ -ছাত্ৰ সন্মিলন, সত্যজিৎ ফুকন প্ৰাক্তন কেন্দ্ৰীয় কাৰ্যনিৰ্বাহক সদস্য, মানস জ্যোতি গগৈ প্ৰাক্তন কেন্দ্ৰীয় কাৰ্যনিৰ্বাহক সদস্য, লক্ষ্মীনাৰায়ন চেতিয়া প্ৰাক্তন কেন্দ্ৰীয় কাৰ্যনিৰ্বাহক সদস্য, সমীৰণ নেওঁগ প্ৰাক্তন কেন্দ্ৰীয় কাৰ্যনিৰ্বাহক সদস্য আৰু ৰূপক দাস তিনিচুকীয়া। উল্লেখযোগ্য যে যোৱা ২৬ মাৰ্চত ডিব্ৰুগড় লোকসভা সমষ্টিৰ বিজেপিৰ প্ৰাৰ্থী সৰ্বানন্দ সোণোৱালে মনোনয়ন পত্ৰ দাখিল কৰাৰ সময়ত সোণোৱালক সংগ দিয়াৰ বাবেই ডিব্ৰুগড়ত মুখ্যমন্ত্ৰী উপস্থিতি হৈছিল আৰু সিদিনাখনেই এই নেতাসকলে বিজেপিত যোগদান কৰিছিল ।