ডিব্ৰুগড়ত বিজেপিৰ কাৰ্য্যালয়ত উৰিল আছুৰ কলা পতাকা
এম হাছিম আলী,ডিব্ৰুগড়,ৰঙিলী বাৰ্ত্তাসেৱা- ডিব্ৰুগড়ত বিজেপি কাৰ্যালয়ত আজি (১৪-৩-২৪)উৰিল আছুৰ ক’লা পতাকা। কা’ বিৰোধিতাৰে ডিব্ৰুগড় ছাত্র সন্থাই আজি থানা চাৰিআলিৰ মণ্ডল বিজেপি কাৰ্যালয়ত ক’লা পতাকা উৰুৱাই সাব্যস্ত কৰিলে তীব্ৰ প্ৰতিবাদ। চহৰখনৰ বিজেপি কাৰ্যালয়ৰ উপৰি বিভিন্ন ৰাজহুৱা স্থানত, ৰাজপথৰ কাষত ক’লা পতাকা উৰুৱাই ‘কা’ বিৰোধিতাৰে প্ৰতিবাদ সাব্যস্ত কৰে আছুৱে। ডিব্ৰুগড় আছুৱে শ্বহীদ ভৱনতো ক’লা পতাকা উত্তোলন কৰে। ইয়াৰ পিছতে ডিব্ৰুগড় ছাত্র সন্থাই চহৰখনৰ বিভিন্ন ৰাজহুৱা স্থানত প্ৰতিবাদী কাৰ্যসূচী ৰূপায়ন কৰি কোনো কাৰণতে জাতিৰ বিৰোধী কা’ বলৱৎ কৰিবলৈ দিয়া নহ’ব বুলিও আছুৱে সংবাদ মাধ্যমত কয়।