ডিব্ৰুগড়ত নব নিৰ্বাচিত বাঙালী যুৱ ছাত্ৰ ফেডাৰেচনৰ কেন্দ্ৰীয় সহকাৰী সম্পাদক তাপস দাসক আদৰণি
এম হাছিম আলী,ডিব্ৰুগড়, ৰঙিলী বাৰ্ত্তাসেৱা- যোৱা ৫ মে’ত ডিব্ৰুগড় চৰকাৰী পেঞ্চনাৰ ভৱনত দলীয় কৰ্মকৰ্তাই সদৌ অসম বাঙালী যুৱ-ফেডাৰেচনৰ কেন্দ্ৰীয় সমিতিৰ নৱ-নিৰ্বাচিত সহকাৰী সাধাৰণ সম্পাদক তাপস দাস নিৰ্বাচিতহৈ গৃহ জিলা ডিব্ৰুগড়ত উপস্থিত হোৱাত তেওঁক বিপুল আদৰণি জনায়। পেন্সন ভৱনত এই উদ্দেশ্যে অনুষ্ঠিত অভিনন্দন অনুষ্ঠানত অংশ গ্ৰহণ কৰি দাসে বঙালী জাতিৰ লগতে অসমৰ ৰাইজৰ হৈ সেৱা আগবঢ়াই নিয়াৰ প্ৰতিশ্ৰুতি দিয়ে।উল্লেখযোগ্য যে যোৱা ২৯ আৰু ৩০ মাৰ্চত ওদালগুৰিৰ টংলাত অনুস্থিত হোৱা ১৭ সংখ্যক দ্বি-বাৰ্ষিক কেন্দ্ৰীয় অধিৱেশনৰ প্ৰতিনিধি সভাই তাপস দাসক কেন্দ্ৰীয় সমিতিৰ সহকাৰী সম্পাদক হিচাপে নিৰ্বাচিত কৰে। এই উদ্দেশ্যে সভাত ডিব্ৰুগড় জিলা চৰকাৰী পেঞ্চনাৰ সন্থাৰ সম্পাদক মৃদুল শৰ্মা, সদৌ ডিব্ৰুগড় জিলা কোচ ৰাজবংশী ছাত্ৰ সন্থাৰ সভাপতি দিগন্ত শইকীয়া, সাংগঠনিক সম্পাদক প্ৰদীপ নেওগ, সমাজ সেৱক দেবব্ৰত পাল প্ৰমূখ্যে বহকেইগৰাকী ব্যক্তি উপস্থিত থাকে।