‘জনসেৱা সঁচা মানুহ বিচাৰি’ৰ বিহুনাচ-ঢোলবাদন কৰ্মশালাৰ সামৰণি
ৰঙিলী বাৰ্ত্তাসেৱা- মহানগৰীৰ ফটাশিল-গড়চুক অঞ্চলৰ স্বেচ্ছাসেৱী সংস্থা ‘জনসেৱা সঁচা মানুহ বিচাৰি’ৰ উদ্যোগত ৫ এপ্ৰিলত চম্পাৱতী হাইস্কুল প্ৰাংগনত অনুষ্ঠিত হোৱা বিহুনাচ আৰু ঢোলবাদনৰ কৰ্মশালাৰ সামৰণি অনুষ্ঠান অনুষ্ঠিত হয়৷ এই কৰ্মশালাখন ১এপ্ৰিলৰ পৰা আৰম্ভ হৈ ৫ এপ্ৰিলত সামৰণি পৰে৷কৰ্মশালাত প্ৰায় ৬০ জন প্ৰশিক্ষাৰ্থীয়ে অংশগ্ৰহণ কৰে৷ সম্পাদক নুৰুল হক আহমেদে আঁত ধৰা সভাত পৌৰোহিত্য কৰে সভাপতি কুমুদ শৰ্মাই৷সম্পাদক নুৰুল হক আহমেদে উদ্দেশ্য ব্যাখ্যা কৰা সভাত মুখ্য অতিথি,সুৰেন্দ্ৰ সংগীত মহাবিদ্যালয়ৰ অধ্যক্ষা ৰীনা দাস,আমন্ত্ৰিত অতিথি,গণেশপাৰা আঞ্চলিক সাহিত্য সমাজৰ সম্পাদক ৰঞ্জন বড়ো,প্ৰশিক্ষক কস্তুৰী কাশ্যপ,মৃণাল দাসে বিহুনাচ আৰু ঢোলবাদনৰ কিছু কথা উল্লেখ কৰে৷সভাৰ মাজতে প্ৰশিক্ষাৰ্থী সকলে বিহুনাচ,ঢোলবাদনেৰে অনুষ্ঠানটো জীপাল কৰি তোলে৷কৰ্মশালাত অংশগ্ৰহণ কৰা প্ৰশিক্ষাৰ্থীসকলৰ মাজত অংশগ্ৰহণৰ প্ৰমাণপত্ৰ বিতৰণ কৰা হয়৷সদস্য জ্যোতিষ ঠাকুৰীয়াৰ শলাগৰ শৰাইৰে সভা সামৰণি মৰা হয়৷