চন্দ্ৰবাবু নাইডুৰ শপথগ্রহণ অনুষ্ঠানত উপস্থিত অগপৰ বীৰেন্দ্ৰ প্ৰসাদ বৈশ্য- ৰমেন্দ্ৰ নাৰায়ণ কলিতা
ৰঙিলী বাৰ্ত্তাসেৱা- অন্ধ্ৰপ্ৰদেশৰ অন্যতম ৰাজনৈতিক শক্তি– তেলেগু দেশম পাৰ্টি (টিডিপি)ৰ অধ্যক্ষ চন্দ্ৰবাবু নাইডুৱে চতুর্থবাৰৰ বাবে অন্ধ্ৰপ্ৰদেশৰ মুখ্যমন্ত্রী হিচাপে শপত গ্ৰহণ কৰে।বৰ্তমান এনডিএ চৰকাৰৰ অন্যতম সহযোগী দল চন্দ্ৰবাবু নাইডুৰ লগতে টিডিপিৰ সকলোকে এই বিশেষ ক্ষণত অসম গণ পৰিষদে আন্তৰিক অভিনন্দন তথা শুভেচ্ছা জ্ঞাপন কৰিছে৷
উল্লেখ্য, ১৩৫খন বিধানসভাৰ আসনত বিজয় সাব্যস্ত কৰিবলৈ সক্ষম হোৱা চন্দ্ৰবাবু নাইডুৰ দল টি ডি পিয়ে পৱন কল্যাণৰ দল জে এছ পিৰ সৈতে মিলি অন্ধ্ৰত চৰকাৰ গঠন কৰিছে।আজিৰ শপত গ্ৰহণ অনুষ্ঠানত এনডিএ-ৰ সহযোগী দল অসম গণ পৰিষদৰ জ্যেষ্ঠ নেতাদ্বয়- ৰাজ্যসভাৰ সাংসদ বীৰেন্দ্ৰ প্ৰসাদ বৈশ্য আৰু বিধায়ক ৰমেন্দ্ৰ নাৰায়ণ কলিতা উপস্থিত থাকে।