গড়মূৰ পীতাম্বৰ দেৱ উচ্চতৰ মাধ্যমিক বিদ্যালয়ত ‘Orientation on NEP-2020 and its implementation’ শীৰ্ষক প্ৰশিক্ষণ কাৰ্যসূচী সম্পন্ন
বিকাশ শইকীয়া,মাজুলী, ৰঙিলী বাৰ্ত্তাসেৱা- গড়মূৰ শ্ৰীশ্ৰী পীতাম্বৰ দেৱ উচ্চতৰ মাধ্যমিক বিদ্যালয়ত মাজুলী জিলাৰ বিদ্যালয়সমূহৰ পৰিদৰ্শকৰ কাৰ্যালয়ৰ উদ্যোগত, সমগ্ৰ শিক্ষা অসমৰ মাজুলী জিলা আৰু মাজুলী জিলা অধিবিদ্যা পৰিষদৰ সহযোগত জিলাখনৰ উচ্চ, উচ্চতৰ আৰু জ্যেষ্ঠ মাধ্যমিক বিদ্যালয়ৰ বিদ্যালয় প্ৰধানসকলৰ বাবে ‘Orientation on NEP-2020 and its implementation’ শীৰ্ষক এটি প্ৰশিক্ষণ কাৰ্যসূচী অনুষ্ঠিত হয়। মাজুলী জিলাৰ বিদ্যালয়সমূহৰ পৰিদৰ্শক সংগীতা বৰুৱাই বন্তি প্ৰজ্বলনেৰে শুভ উদ্বোধন কৰা এই প্ৰশিক্ষণত মাজুলী জিলাৰ শিক্ষা বিভাগৰ অতিৰিক্ত জিলা আয়ুক্ত ড০ ভৰত কোঁৱৰ বিশিষ্ট ব্যক্তি হিচাপে উপস্থিত থাকে। এই প্ৰশিক্ষণ কাৰ্যসূচীত বাহনা মহাবিদ্যালয়ৰ সহকাৰী অধ্যাপক ড০ মৃদুল দত্ত আৰু সমগ্ৰ শিক্ষা অসমৰ মাজুলী জিলাৰ জিলা আঁচনি বিষয়া পৰশ গোস্বামী সমল ব্যক্তি হিচাপে উপস্থিত থাকি সকলোকে প্ৰশিক্ষণ প্ৰদান কৰে।