ঈদ উল আজহা – মুহাম্মাদ আফজাল

ঈদ উল আজহা
 মুহাম্মাদ আফজাল,
 মৈৰাবাৰী, মৰিগাঁও
আহা, আহা, ওলাই আহা,
আহিছে পৱিত্ৰ ঈদ উল আজহা;
সৰু-বৰ সকলোৱে আনন্দ মনে
ঈদগাহলৈ গৈ সমূহীয়া নামাজ পঢ়োঁ,
মুক্ত আকাশৰ তলত হাত পাতি
বিশ্বশান্তিৰ বাবে দোৱা মাগোঁ।
আহা, আহা, ওলাই আহা,
আহিছে পৱিত্ৰ ঈদ উল আজহা;
আত্মত্যাগৰ অপূৰ্ব নিদৰ্শন ক্বুৰবানী
পালন কৰোঁ আল্লাহৰ নিৰ্দেশ মানি।
আহা, আহা, ওলাই আহা,
আহিছে পৱিত্ৰ ঈদ উল আজহা;
আমাৰ প্ৰভু সবাতোকৈ মহান,
তাকবীৰ আল তাশ্বৰীক আওৰাই
গাওঁ মাথোঁ তেওঁৰে গুণ-গান।