আজি নিয়ৰবোৰ বৰষুণ হৈ সৰিছে
ৰোহিনী কুমাৰ দাস
গুৱাহাটী
“আজি নিয়ৰবোৰ বৰষুণ হৈ সৰিছে,
আজি আকাশখন লাজতে জয় পৰিছে,
নিয়ৰে আকাশক সুধিছে —
“আকাশ, বিশালতাই তো তোমাৰ পৰিচয়,
তেনে কিয় লজ্জাত নত সি হৃদয় ?”
আকাশে ক’লে —
“আজি যে মোৰ প্রথম পৰিণয়….
সীমাহীনতাত ব্যাপি থকা মৰমৰ আলয়,
স্তব্ধ হ’ল কাৰোবাৰ প্রণয় পাশত,
হেৰুৱাই নিজ পৰিচয় !
মাথো নুসুধিবা তেওঁনো কোন,
যাৰ উদাসীনতাত দগ্ধ ই হৃদয় !
শত যোজন আঁতৰৰ সি নিমাতী মায়াময়……
তথাপি যেন আছে প্রাণত, এক অবুজ তৃষা হৈ !!”