আজি ধুবুৰীলৈ আহিব প্ৰিয়ংকা গান্ধী
ৰঙিলী বাৰ্ত্তাসেৱা- অসমত দ্বিতীয় পৰ্যায়ৰ ভোটগ্ৰহণৰ পিছত এতিয়া তৃতীয় পৰ্যায়ৰ ভোটগ্ৰহণ সমাগত। তৃতীয় পৰ্যায়ত চাৰিটা সমষ্টিৰ বাবে হ’ব ভোটগ্ৰহণ। গুৱাহাটী, বৰপেটা, কোকৰাঝাৰ আৰু ধুবুৰী সমষ্টিত তৃতীয় পৰ্যায়ত অনুষ্ঠিত হ’ব নিৰ্বাচন। যাৰ বাবে তুংগত উঠিছে প্ৰচাৰ অভিযান।আজি ধুবুৰীলৈ নিৰ্বাচনী প্ৰচাৰ চলাবলৈ আহিব কংগ্ৰেছ নেত্ৰী প্ৰিয়ংকা গান্ধী। পুৱা ১১ বজাত বালাজানত ৰকিবুল হুছেইনৰ হৈ নিৰ্বাচনী প্ৰচাৰ চলাব প্ৰিয়ংকা গান্ধীয়ে। দিল্লীৰ পৰা পোনে পোনে চাৰ্টাড বিমানেৰে ৰূপচী বিমানবন্দৰত উপস্থিত হ’ব কংগ্ৰেছ নেত্ৰীগৰাকীয়ে। ইয়াৰ পিছত ৰূপচীৰ পৰা গাড়ীৰে গৌৰীপুৰ হৈ বালাজানৰ সভাস্থলীত উপস্থিত হ’ব প্ৰিয়ংকা গান্ধী।